இந்துமதம் -13

                                                        

எத்தனை எத்தனை நாமங்கள் ?

   நண்பர்களே இன்று நாம் இந்த தலைபிற்க்கு போகும் முன் ஒரு நல்ல அரசியல்வாதி மற்றும் சிறந்த மனிதர் என்று எல்லோராலும் போற்ற பட்ட ஒருவர் கூறிய கறுத்த முதலில் கூற விரும்புகிறேன் அந்த கருத்து இதோ ...

"பதினெட்டு வருஷமா மலைக்குப் போறேன்னு பெருமையா சொல்றான். அதுக்காக அவனுக்கு பி.எச்டி யா கொடுக்குறாங்க.பதினெட்டு வருஷமா கடன்காரனா இருக்கான்னு அர்த்தம்! பக்தி வேஷம் போடுறது நாலு பேர் பாராட்டணுமிங்கறத்துக்காகத்தான்.ஒரு அனாதை இல்லத்துக்கோ, முதியோர் இல்லத்துக்கோ கொடுக்கலா மில்லையா?மத்திய ஆசியாவிலிருந்து வந்தவன் அக்னி பகவான், ருத்ரன், வாயு பகவான்னு நூறு சாமிகளைச் சொன்னான். நம்மநாட்டு பூர்வீகக் குடிமக்களான திராவிடர்கள் காத்தவராயன், கழுவடையான், முனியன், வீரன்னு கும்பிட்டான். எந்தக் கடவுள் இவன் கிட்டே வந்து என் பேரு இதுதான்னு சொன்னது? "
   
        இதை யார் கூறியிருக்க வேண்டும் என்று சிந்திக்கின்றீர்களா ? சிரமம் வேண்டாம் நானே கூறுகிறேன் இதை சொன்னவர் வேற யாரும் இல்லை கல்விக்கு கண் திறந்தவர் என்று எல்லோராலும் போற்ற பட்ட பெருந்தலைவர் காமராஜர் தான் . இதில யாரும் வருத்தப்பட வேண்டியதில்லை. அவர் போலியாக பக்திவேசம் போடுபவர்களை மட்டுமே விமர்சிக்கிறார். சரி எது எப்படி போனாலும் எனக்கு உறுத்தியது அவர் கூறிய ஒரு வார்த்தைத்தான் அது என்ன வென்றால் " எந்தக் கடவுள் இவன் கிட்டே வந்து என் பேரு இதுதான்னு சொன்னது? " என்ற ஒன்றுத்தான். சரி இதை ஏன் ஒரு தலைப்பாக எடுக்ககூடாது என்ற எண்ணம் தோன்றியது எனக்கு .சரி இனி தலைப்பிற்கு போவோம்.

             பொதுவாக நமது இந்துமதத்தில் கடவுளுக்கு பல பெயர் இருக்கின்றது .அந்த பெயர் அனைத்தும் நாம் சூட்டியதா அல்லது காமராஜர் கேட்டது போல் கடவுளே தனக்கு இதுதான் பெயர் என்று சூட்டியதா என்ற கேள்வி எல்லோருக்கும் எழும். நான் உங்களிடம் ஒரு கேள்வி கேட்கிறேன் மனிதனை தவிர எந்த ஒரு பொருளாவது தனக்கு இதுதான் பெயர் என்று நம்மிடம் என்றாவது கூறியது உண்டா ? பிறகு அவற்றுக்கெல்லாம் பெயர் வைத்தது யார் ?  நாம் தானே ? எதற்காக பெயர் வைத்தோம் நம்மை மற்றவைகளில் இருந்து வேறுபடுத்தி காட்டத்தானே ? இப்படி எல்லாவற்றுக்கும் பெயர் வைத்த நாம் தான் இறைவனுக்கும் பல பெயர்களை வைத்தோம். சரி ஒரே இறைவனுக்க இத்தனை பெயர்களை வைத்தோம் என்றால் இல்லை ஒவ்வொரு கடவுளுக்கும் ஆயிரம் ஆயிரம் பெயர்களை வைத்தோம். இப்போது பலருக்கும் ஒரு கேள்வி எழும் எல்லாம் மதமும் ஒரே கடவுள் என்று கூறும்பொழுது இந்து மதம் மட்டும் ஏன் பல கடவுள்  மற்றும் பல பெயர்களை  கொண்டுள்ளது என்று . இதற்க்கு நான் ஏன் ஏற்கனவை தனி பதிவு போட்டுள்ளேன் இருந்தும் இங்கும் நான் அதை விளக்க விரும்புகிறேன். ஓடும் ஆற்றில் இருந்து ஒரு டம்ளரில் தண்ணீரை பிடித்து இதான் தண்ணீரின் வடிவம் என்று கூறுவது எவ்வளவு முட்டாள் தனமோ அதை போலத்தான் இதுதான் கடவுளின் வடிவம் மற்றும் பெயர் என்று கூறுவது. ஏன் என்றால் ஆற்று தண்ணீரை வட்ட பாத்திரத்தில் பிடித்தால் அது வட்ட வடிவம் பெரும் அதை போல் ஒரு சதுர பாத்திரத்தில் பிடித்தால் சதுரம் வடிவம் பெரும் பிறகு எப்படி  இதுதான் தண்ணீரின் வடிவம் என்று நாம் ஆணித்தரமாக கூற முடியும்?.  நாம் பிடிக்கும் பாத்திரத்திற்கு ஏற்ற போல் வடிவம் தரும் தண்ணிரை போலத்தான் இறைவனும். ஒவ்வொருவருக்கும் ஒவ்வொரு விருப்பமான வடிவம்  இப்படியாக தோன்றியதுதான் பல கடவுள். நாம் எந்த பாத்திரத்தில் பிடித்தாலும் அந்த தண்ணீரின் வடிவம்தான் வேறே தவிர அதல் இருக்கும் தண்ணீர் ஒன்றுதான். நாம் இறைவனை எந்த வடிவில் வழிபட்டாலும் அந்த இறைவன் ஒருவனே என்பதுதான் உண்மை.

                                  சரி இனி பல பெயர்களுக்கு வருவோம். இதற்கும் ஒரு உதாரணத்தை எடுத்துகொள்வோம் ....தங்க கட்டியை  எடுத்துகொள்வோம்  மனிதன் தன் காது ,கை , கழுத்து மற்றும் மூக்கில் அணிகலன்களாக அணிய தங்கத்தை உருக்கி விருப்பதிர்க்கேற்றாற்போல் வடிவமைக்கிறான். பிறகு அவை அனைத்திற்கும் கம்மல் , வளையல் , மூக்குத்தி என பெயர்களை வைக்கிறான் எதற்காக ? , ஒவ்வொன்றையும் தனி தனியாக அடியாள படுத்திகொள்வதர்காக. இதே பெயர்கள் ஒவ்வொரு மொழிக்கும் வேறுபடுகிறது அல்லவா, இப்படியாக தங்கம் என்ற ஒன்றில் இருந்து வேறுவடிவம் பெற்று பலமொழிகளில் பல பெயர்களை பெறுவது போலத்தான் ஒரே கடவுளின் தோற்றம் வேறுபட்டு பல வடிவம் கொண்டு ஒவ்வொருவரின் விருப்பதிர்க்கேற்ற பல பெயர்களை பெறுகிறது. அதைபோல் எப்படி தோடு , வளையல் ,மூக்குத்தியை உருக்கினால் மீண்டும் தங்க கட்டியாக மாறுகிறதோ அதை போல் ஒரே பரமாத்மாவினுள் எல்லா வடிவங்கள் மற்றும் பெயர்களும் அடங்கிவிடுகிறது.

                         இப்போதும் சிலபேர் ஒரு கேள்வி கேட்பார்கள் அது என்ன கேள்வி என்றால் எல்லா பெயர்களும் ஒரே கடவுளை குறிக்கிறது என்றால் ராமர் கோவிலுக்கு சென்று பிள்ளையாரப்பா என்னை காப்பாற்று என்று கும்பிட்டால் ஏன் முட்டாள் என்கிறீர்கள் என்று ...அவர்களிடம் ஒரு கேள்வியை நான் கேட்க விரும்புகிறேன் ராமரை பார்த்து பிள்ளயார் என்று கூறினால் உங்களை முட்டாள் என்று கூறுவது மனிதனா அல்லது ராமனா ? ...கருவறையில் இருக்கும் கடவுள் உங்களை அப்படி கூறவில்லையே ..மாறாக மனிதன் தானே கூறுகிறான்.ஏன் என்றால் இவ்வாறு  பெயர்கள் வைத்தது அவன்தானே . வளையலை பார்த்து மூக்குத்தி என்றால் முட்டாள் என்று தானே கூறுவான் ஏன் என்றால் இரண்டிற்கும் வெவ்வேறு பெயர்கள் இருக்கிறது அல்லவா ?.எனவே மனிதன்தான் பெயர் மற்றும் வடிவங்களை கொண்டு வேறுபடுத்தி கொள்கிறானே தவிர இறைவன் வேறுபடுத்தி பார்ப்பதில்லை.
                            உதரணாமாக நீங்கள்  நாயை பார்த்து பன்றி என்று கூறினால் கோப படுவது  நாயா அல்லது மனிதனா ?...நாய்க்கு கூட தெரியாது தன் பெயர் நாய் என்று பிறகு ஏன் அது கோப பட வேண்டும். ஒருமுறை ஒரு நாத்திகனும் ஒரு ஆத்திகனும் விவாதித்து கொண்டிருந்தார்கள் ..விவாதம் உச்சத்தை தாண்டி அந்த நாத்திகன் கடவுளை பார்த்து நாய் என்றும் கழுதை என்றும் திட்ட தொடங்கினான்...இதை கேட்டு வருத்தம் அடைந்த அந்த ஆத்திகன் இறைவனிடம் " இறைவா இவன் உங்களை இப்படியெல்லாம் தூற்றுகிரானே உங்களுக்கு கோபம் வர வில்லையா என்று " அதற்க்கு இறைவன் கூறினார் " பக்தா உயிரினங்களில் இது மேல் இனம் இது தாழ்ந்த இனம் என்று வேறுபடுத்தி பார்ப்பது மனிதன் மட்டுமே ...இதற்க்கு இந்த பெயர் என்று கூறுவதும் மனிதனே...!!! நாயை பார்த்து நாய் என்று கூப்பிட்டால் நாயே கண்டுகொள்ளமால் இருக்கும் பொழுது எல்லா உயிர்களையும் சம நோக்குடன் பார்க்கும் நான் ஏன் அவன் கூறியதை கண்டு கொள்ள வேண்டும். மனிதா ! உயிரினங்களின் வடிவம் மற்றும் பெயரை  கொண்டு நீ வேறுபடுத்தி பார்க்கிறாய் நான் அதனுள் இருக்கும் ஆன்மாவை மட்டும் பார்கிறேன். எனவே எனக்கு அவன் கூறுவதை கண்டு கோபம் வருவதில்லை...வடிவம் மற்றும் பெயர்களை கொண்டு நீ வேறுபடுத்தி பார்பதினால் உனக்கு கோபம் வருகிறது " என்று கூறினார்.
                      
                           நண்பர்களே  எங்கும் பறந்து விரிந்து இருக்கும் பரமாத்மாவை இதுதான் பெயர் இதுதான் வடிவம் என்று நாம் நினைத்து சண்டை இட்டுகொல்லாமல் நமக்கு எது எளிதான வடிவமோ அல்லது எளிதான பெயரோ அதை கொண்டு இறைவனிடம்  நம் ஆத்மாவை லயிக்க செய்ய வேண்டும் என்கிறது இந்துமதம்...! இதைதான் பகவத் கீதையில் கிருஷ்ண பரமாத்மா கூறுகிறார் ,

யோ யோ யாம் யாம் தநும் பக்த: ஸ்ரத்த யார்சிதுமிச்சதி|
தஸ்ய தஸ்யாசலாம் ஸ்ரத்தாம் தாமேவ விததாம்யஹம் ||7-21|| இதற்க்கு தமிழ் விளக்கம் ,

எந்த எந்த பக்தன், நம்பிக்கையுடன் எந்த எந்த வடிவத்தை அர்ச்சிக்க விரும்புகிறானோ, அவனுடைய அசையாத நம்பிக்கைக்குத் தக்க வடிவத்தை நான் மேற்கொள்ளுகிறேன்.

(தொடரும்)